Azərbaycan Premyer Liqasında əvəzetmə sayı artırıla bilər
Futbol üzrə Azərbaycan Premyer Liqası və I Divizionda əvəzetmə sayı artırıla bilər.
Bu barədə Demedia.az-a AFFA Klublar Komitəsinin və "Sumqayıt"ın prezidenti Riad Rəfiyev məlumat verib.
Onun sözlərinə görə, məsələ ilə bağlı təklif hazırlanacaq və AFFA İcraiyyə Komitəsinə (İK) təqdim olunacaq: "Komitə olaraq, ümumi fikir belədir ki, əvəzetmə sayı artırılsın. Məsələ İK-in növbəti iclasında müzakirəyə çıxarılacaq".
Qeyd edək ki, hazırda hər iki çempionatda 3 əvəzetməyə icazə verilir.
