Ronaldodan daha bir qol rekordu
Səudiyyə Ərəbistanı Pro Liqasının 34-cü – sonuncu turu çərçivəsində “Əl-Nəsr” “Əl-İttihad”ı qəbul edib. Görüş 4:2 hesabı ilə Ər-Riyad komandasının xeyrinə başa çatıb.
Publika.az xəbər verir ki, “sarı-göylər”in qələbəsində əsas pay sahibi Kriştiano Ronaldo olub. Portuqaliyalı hücumçu dubl edib. Bu, Krişin Pro Liqanın cari mövsümündə 34-cü və 35-ci qolları olub.
ESPN-in məlumatına görə, Ronaldo bir mövsümdə qol sayına görə Səudiyyə Ərəbistanı çempionatının rekordunu qırıb. O, 2018/19 mövsümündə “Əl-Nəsr”in heyətində 34 qol vuran mərakeşli Abderrazaq Hamdallahı ötüb.
