Çin və Pakistan hərbi əməkdaşlığı dərinləşdirir
Çin və Pakistan Silahlı Qüvvələri arasında hərbi əməkdaşlığın səviyyəsi daim artıracaq və regionda strateji tarazlıq birgə təmin ediləcək.
Demedia.az xəbər verir ki, bu barədə Pakistanın Baş naziri Şahbaz Şərifin Çinə səfərinin yekunları üzrə verilən birgə bəyanatda deyilir.
Qeyd olunub ki, tərəflər hərbçilər arasında yüksək səviyyədə səfər mübadiləsini davam etdirmək, birgə təlimlərin və hərbi-texniki sahədə mövcud əməkdaşlığı daha da inkişaf etdirilməsi barədə razılığa gəliblər.
Vurğulanıb ki, ÇXR və Pakistanın hakimiyyət orqanları iki dövlətin orduları arasında uzun müddət saxlanılan əlaqələrin etibarlı xarakterindən razıdırlar. Belə ki, müdafiə və təhlükəsizlik sahəsində Çin-Pakistan strateji əməkdaşlığının gücləndirilməsi sülh və sabitliyin qorunmasında, eləcə də regionda strateji tarazlığın təmin edilməsində əvəzsiz və mühüm rol oynayır.
