Premyer Liqa: "Zirə"nin legioneri "quru" oyun sayında həmkarlarını üstələyib



 13:42 12.06.2024     248

Azərbaycan Premyer Liqasının 2023/2024 mövsümündə yalnız üç qapıçı 10 və daha çox oyunda qapısını toxunulmaz saxlayıb.

Demedia.az Peşəkar Futbol Liqasının rəsmi saytına istinadən xəbər verir ki, “Zirə”nin legioneri Tiaqo Silva rekordçu olub.

Portuqaliyalı qolkiper mövsüm ərzində hamıdan çox "quru" oyun keçirib. O, meydana çıxdığı 35 matçın 17-də qapısını toxunulmaz saxlayıb.

“Sumqayıt”ın qapıçısı Mehdi Cənnətov ikinci olub. Onun hesabında 13 "quru" oyun var. İlk “üçlüy”ü Aydın Bayramov qapayıb. O, 10 görüşü qol buraxmadan keçirib.