Sevgilisinin benzin tökərək yandırdığı qadın idmançı öldü
Paris Yay Olimpiya Oyunlarının iştirakçısı, Uqandalı yüngül atlet Rebekka Çepteqey vəfat edib.
Demedia.az xəbər verir ki, bu barədə ölkənin Milli Olimpiya Komitəsi məlumat yayıb.
Çepteqey bazar günü sevgilisi ilə mübahisə etdikdən sonra bədəninin 75%-inin yanıq xəsarəti ilə xəstəxanaya yerləşdirilib. Hadisə idmançının Keniyadakı evində baş verib. Mülkiyyətlə bağlı mübahisə zamanı kişi Rebekkanın üzərinə benzin tökərək yandırıb.
Həkimlər bir neçə gün Çepteqeynin həyatı üçün mübarizə aparıblar. Lakin heç bir nəticəsi olmayıb. Çərşənbə axşamı idmançının bütün orqanları sıradan çıxıb.
Qeyd edək ki, Parisdə keçirilən Oyunlarda 33 yaşlı qaçışçı marafon yarışında 44-cü yeri tutub.
