"Fənərbağça"da ciddi itki
"Fənərbağça" ciddi itki ilə üzləşib.
Demedia.az xəbər verir ki, İstanbu klubunun futbolçusu İrfan Can Kahveci zədələnib. Türkiyə Superliqasının 11-ci turunda "Trabzonspor"la matçdan sonra onun əzələsində yırtıq aşkarlanıb.
Yerli mətbuatda yayılan xəbərlərə görə, 29 yaşlı yarımmüdafiəçi ən az 3 həftə yaşıl meydanlardan kənarda qalacaq. Bu da o deməkdir ki, İrfan Can Avropa Liqasında "AZ Alkmaar"la görüşü (7 noyabr), Superliqada isə "Sivasspor" (10 noyabr) və "Kayserispor"la ( 23 noyabr) matçları buraxacaq.
Qeyd edək ki, İrfan Can Kahveci bu mövsüm İstanbul təmsilçisinin heyətində 15 oyuna çıxıb, 1 qol vurub və 2 qolun ötürməsini verib.
