"Atletiko" Ronalduya görə Qrizmanı satmaq istəyir
İspaniyanın "Atletiko" klubu Portuqaliya millisinin futbolçusu Kriştianu Ronaldunu transfer etmək üçün fransız hücumçu Antuan Qrizman ilə yollarını ayıra bilər.
Demedia.az bu barədə “The Times”a istinadən xəbər verir.
Qeyd edilir ki, Madrid klubu 37 yaşlı portuqaliyalı hücumçunun transferini təmin etmək üçün klubun ulduzlarından birini satmalı olacaq. İspaniya çempionatının maliyyə qaydaları hər iki futbolçuya maaş ödəməyə imkan verməyəcək. Qrizmana iddialı olanlardan biri də Fransanın “Pari Sen-Jermen” klubudur.
Bununla yanaşı, "madridlilər"in düşərgəsində portuqalın keçidi ilə bağlı şübhələr var. Ronaldu uzun müddət "Atletiko"nun rəqibi olan "Real Madrid"də oynadığı üçün azarkeşlərin bu transferə münasibəti suallar doğurur.
