Bu ölkədə terrorçular 63 nəfəri qaçırdılar
Nigeriyanın Niger əyalətində 63 dinc sakin naməlum silahlı şəxslər tərəfindən qaçırılıb.
Demedia.az xarici KİV-ə istinadən xəbər verir ki, silahlı şəxslər Nigerin üç kəndinə basqın ediblər.
Basqında Durmin kəndindən 41, Carmiyadan 14 və Pandoqaridən 8 mülki olmaqla ümumilikdə 63 nəfər qaçırılıb.
Şahidlər hücuma məruz qalan kəndlərin ordu qərargahından təxminən 10 kilometr aralıda olduğunu bildiriblər.
Son illərdə artan təhlükəsizlik problemləri səbəbindən Nigeriyada tez-tez mülki şəxslərə qarşı hücumlar həyata keçirilir.
