Tokayev bu nazirləri vəzifədən azad etdi

 13:48 04.01.2023     354

Qazaxıstan Prezidenti Qasım-Jomart Tokayev Nazirlər Kabinetinin tərkibində dəyişiklik edib.

Demedia.az “Tenqrinyus”a istinadla xəbər verir ki, Tokayev ekologiya naziri Serikkali Brekeşevi vəzifəsindən azad edib, 32 yaşlı Zülfiyyə Süleymenovanı onun yerinə təyin edib.

Prezidentin digər sərəncamı ilə Asxat Oralov mədəniyyət və idman naziri təyin edilib.

Kairbek Uskenbayev də sənaye və infrastrukturun inkişafı naziri vəzifəsindən azad edilib. Onun yerinə Marat Karabayev təyin edilib.

Ədliyyə naziri vəzifəsində isə Azamat Əsgərayev Kanat Musini əvəzləyib.