Ukrayna və Rusiya arasında əsir mübadiləsi baş tutdu

 19:27 08.01.2023     321

Ukrayna və Rusiya növbəti əsir mübadiləsini gerçəkləşdiriblər.

Demedia.az xəbər verir ki, bu barədə bu ölkələrin rəsmiləri məlumat yayıb.

Ukrayna Prezident Ofisi və Rusiya Müdafiə Nazirliyinin məlumatına görə, əsir mübadiləsi “50-nin 50-yə prinsipi” ilə baş tutub.

Prezident Ofisinin rəhbəri Andriy Yermakın sözlərinə görə, qaytarılan Ukrayna hərbçilərindən 33-ü zabit, 17-si sıravi çavuşdur.

Rəsmi Moskva isə açıqlamasında bildirib ki, azad edilənlər Aerokosmik Qüvvələrin hərbi-nəqliyyat aviasiyasının təyyarələri ilə idarələrin tibb müəssisələrində müalicə və reabilitasiya üçün Moskvaya çatdırılacaq. Qaytarılan əsirlərin hansı rütbədə olduqları qeyd olunmayıb.