Rusiya Türkiyəyə səhra xəstəxanası göndərib



 09:44 07.02.2023     304

Türkiyənin bir çox vilayətində can və mal itkisi ilə nəticələnən Kahramanmaraş mərkəzli zəlzələdən sonra Rusiyadan Türkiyəyə dəstək qrupları göndərilməyə davam edir.

Demedia.az xəbər verir ki,  Rusiya Fövqəladə Hallar Nazirliyi gündüz saatlarında göndərilən axtarış-xilasetmə qruplarına əlavə olaraq axşam saatlarında yeni qrupların yola düşdüyünü açıqlayıb.

Nazirlik, "Fəlakət bölgəsində zəlzələdən zərərçəkənlərə birbaşa yardım göstərmək üçün hava yolu ilə daşına bilən səhra xəstəxanası Türkiyəyə göndərilib. 40-dan çox xəstəxanada çalışan mütəxəssislər ixtisaslı tibbi yardım göstərəcəklər”, - deyə bildirib. 

Nazirlik humanitar yardım materiallarının, eləcə də xilasetmə qruplarının Türkiyə ilə yanaşı Suriyaya da göndərildiyini açıqlayıb.