Zelenskinin böyük sirri - Müharibə başlayandan bəri yaşadığı otağı göstərib
Ukrayna prezidenti Vladimir Zelenski jurnalistlərə 2022-ci il fevralın 24-dən bəri yaşadığı bunkerdəki otağı göstərib.
Demedia.az xəbər verir ki, görüntüləri Ukraynanın “1+1” telekanalı yayıb.
Qeyd olunur ki, otaq prezidentin inzibati binasında yerləşir.
Zelenski videoda “Bir ildir ki, burada yaşayıram” deyib.
Kadrlarda kiçik bir otaq görünür. Otağın pəncərələri var, amma pərdələrlə sıx örtülüblər. Həmçinin Zelenskinin otağında çarpayı, televizor, iş masası, tualet və bir neçə eyni xaki sviterin asıldığı şkaf var.
Bundan əvvəl “Vatfor” layihəsi məlumat vermişdi ki, Ukrayna prezidentinin bunkeri onun kabinetinin altında 93 metr dərinlikdə yerləşə bilər.
