Xarkovda Rus əsgəri saxlanıldı - 6 aydır kənddə gizlənirmiş
Ukraynanın Xarkov vilayətinin kəndlərindən birində gizlənmiş rus əsgəri saxlanılıb.
Demedia.az xarici KİV-ə istinadən xəbər verir ki, hadisə Xarkov vilayətinin Kupyansk-Vuzlovi kəndində baş verib.
Milli Polis və Ukrayna Dövlət Təhlükəsizlik Xidmətinin birgə keçirdiyi əməliyyatda Rusiya ordusunda 27-ci motoatıcı briqadada xidmət edən 42 yaşlı əsgər saxlanılıb.
Əsgər Ukraynanın Xarkov vilayətində nəzarəti bərpa etməsindən sonra kənddəki tərk edilmiş yaşayış məntəqələrində 6 ay gizləndiyini bildirib.
