Afrikada hərbi bazaya hücum edildi
“Əş-Şəbab” terror qruplaşması Afrika İttifaqının Keçid Missiyasının Somalidəki hərbi bazasına hücum edib.
Demedia.az xəbər verir ki, bu barədə Uqanda Prezidenti Yoveri Museveni məlumat verib.
Məlumata görə, mayın 26-da terrorçuların bazaya etdiyi hücum nəticəsində 54 Uqanda əsgəri həlak olub.
“Mən parlament üzvlərinə Somalidəki insidentlə bağlı məlumat verdim. Əsgərlərimiz yenidən qruplaşıblar, nəticədə baza geri alınıb. Biz komandir də daxil olmaqla, həlak olan 54 əsgərin meyitini aşkar etmişik”, - prezident bildirib.
