İsrail və HƏMAS müharibəni bitirmək istəmir: Əsl hədəfləri...
İsrail və HƏMAS qüvvələri davamlı artan gərginlikdə ilişib qalıb. Bu, yeni bir şey deyil. Hər neçə ildən bir - bir neçə gün və ya həftə ərzində qan tökülür ki, bu da barışıqla başa çatır. Və vəziyyət nəticədə köhnə depressiv status-kvoya qayıdır.
Nexeber.az xəbər verir ki, bunu "Business İnsider" nəşrində Vaşinqtondakı Amerika Universitetinin professoru Boaz Aozili qeyd edib.
"Qəzza zolağı xarabalıq və mühasirədə qalır və qonşu İsrail əhalisi növbəti hücumdan daim qorxu içində yaşayır. Münaqişə simmetrik deyil. İsrail HƏMAS-dan daha güclü hərbi mənbəyə sahibdir. Ancaq hər ikisi üçün travmatikdir. Və heç bir tərəfin həqiqi hərbi və ya diplomatik həll variantı yoxdur.
İsrailin əsas məqsədi HƏMAS da daxil olmaqla, düşmənlərinə qarşı sərt görünməkdir. Bu, israillilərin həyatını yaxşılaşdırmaq və ya milli maraqları inkişaf etdirmək üçün edilmir. Güc nümayiş etdirmək özlüyündə bir hədəfdir. Nisbi zəifliyə baxmayaraq, HƏMAS liderləri də eyni düşüncəyə sahibdirlər. Bunu təşkilatın təhrik etdiyi və heç bir strateji nailiyyət əldə etməyən bütün yeni şiddət ocaqları təsdiqləyir. HƏMAS İsrail zülmünə qarşı bir güc olaraq yalnız nüfuzunu artırır", - Aozili vurğulayıb.(axar.az)
