Meksikada partlayışlar zamanı 10 nəfər xəsarət alıb
Meksikanın Tultepek və Zumpanqo şəhərlərində iki ayrı atəşfəşanlıq emalatxanasında baş verən partlayışlar nəticəsində 10 nəfər xəsarət alıb.
Demedia.az xəbər verir ki, partlayışlar zamanı xəsarət alanların 6-sı polis əməkdaşlarıdır. İlk partlayış Zumpanqoda baş verib və bir nəfər yaralanıb.
Bundan qısa müddət sonra Tultepekdəki başqa bir atəşfəşanlıq emalatxanasında ikinci partlayış baş verib. Sexdə baş verən hadisə zamanı 6-sı polis olmaqla 9 nəfər yaralanıb.
Aidiyyəti orqanlar partlayışlarla bağlı araşdırmanın başlandığını bildiriblər. Qeyd edilir ki, hadisələrin baş verdiyi sexlər qanuni fəaliyyət göstərir.
