BMT TŞ Şimali Koreyaya qarşı bəzi sanksiyaları müvəqqəti olaraq ləğv edib
BMT Təhlükəsizlik Şurası Ümumdünya Səhiyyə Təşkilatının (ÜST) Şimali Koreyaya çadırların idxalına icazə verən sanksiyalardan azad edilməsini təsdiqləyib.
Bu barədə Demedia.az “Yonhap”a istinadən xəbər verir.
Bundan əvvəl, iyulun 20-də BMT-nin sanksiyalara nəzarət komitəsi mülki əhaliyə humanitar yardım göstərmək üçün KXDR-ə beş “çoxməqsədli” çadırın idxalına qoyulmuş qadağanın müvəqqəti ləğvini təsdiqləyib. Beləliklə, BMT Şimali Koreyaya quraqlıq və digər fövqəladə hallarla mübarizədə kömək etmək istəyir.
Komitə nümayəndələrinin sözlərinə görə, sanksiyalardan azad olunma 9 ay müddətində qüvvədə olacaq. Lakin malların Şimali Koreyaya nə vaxt çatdırılacağı bəlli deyil, çünki Pxenyan hələ də COVID-19 pandemiyası səbəbindən çox ciddi sərhəd nəzarətinə malikdir.
