Bu ölkələr yeni ticarət dəhlizi haqqında razılığa gəldilər
ABŞ, Hindistan, AB və Səudiyyə Ərəbistanı yeni Hindistan-Yaxın Şərq-Avropa İqtisadi Dəhlizinin (İMEC) yaradılması barədə razılığa gəliblər.
Demedia.az xəbər verir ki, bu layihənin məqsədi Asiya, Körfəz və Avropa ölkələri arasında ticarət əlaqələrini və inteqrasiyanı genişləndirməklə iqtisadi inkişafı stimullaşdırmaq olacaq.
İMEC iki ayrı dəhlizdən ibarət olacaq: Hindistanı Fars körfəzi ilə birləşdirəcək şərq və Fars körfəzini Avropa ilə birləşdirəcək şimal dəhlizləri. Layihə etibarlı və sərfəli transsərhəd gəmi-dəmir yolu tranzit şəbəkəsini təmin edən dəmir yolu infrastrukturunun inkişafını əhatə edəcək. Bu, mövcud marşrutları tamamlayacaq və Hindistan, BƏƏ, Səudiyyə Ərəbistanı, İordaniya, İsrail və Avropa arasında mal və xidmətlərin rahat tranzitini təmin edəcək.
Dəhlizin xərcləri azaldacağı, iqtisadi birliyin gücləndirəcəyi, səmərəliliyin artıracağı, yeni iş yerləri yaradacağı və istixana qazı emissiyalarını azaldacağı gözlənilir. Bu, son nəticədə Asiya, Avropa və Yaxın Şərqin transformativ inteqrasiyasına gətirib çıxaracaq.
