İsrail ordusu Qəzzada geri çəkildi
İsrail ordusu (ÇAXAL) Qəzzada nəzarətinə götürdüyü müəyyən ərazilərdən geri çəkilib.
Demedia.az xəbər verir ki, bu barədə Anadolu Agentliyi məlumat yayıb.
Belə ki, ÇAXAL qüvvələri Qəzzanın şimal-qərbindəki Əl-Makusi bölgəsindən anklavın ən şimal zonası Beyt-Lahiyadakı Amerikan Məktəbi ərazisinə doğru geri çəkilib.
Ordu birliklərinin iki kilometrə qədər geri çəkildiyi iddia edilir. Bununla da İsrail texnikaları 27 oktyabrda quru əməliyyatına başladığı nöqtəyə qayıdıb.
İsrailin geri çəkilməsinə səbəb kimi İzzəddin Əl-Qassam Briqadasının intensiv hücumları və müqavimət əməliyyatları göstərilib.
