Türkiyə hərbçilərinə hücum əmri verən PKK-nın rəhbər şəxsi məhv edildi
Türkiyənin Milli Kəşfiyyat İdarəsi (MİT) Suriyada yeni əməliyyat keçirib.
Demedia.az xəbər verir ki, bu barədə Türkiyə KİV-i məlumat yayıb.
Bildirilib ki, əməliyyat nəticəsində PKK/YPG terror təşkilatının rəhbərlərindən biri olan Mutlu Kacar məhv edilib.
“Karker Andok” kod adlı terrorçunun təşkilatın Aynularab bölgəsi üzrə məsul şəxsi olduğu qeyd edilib.
Məlumata görə, M.Kacar 2021-ci ildə Suriyanın Tel Rifat ərazisində xidmət edən Türkiyənin təhlükəsizlik qüvvələrinin maşınına hücum tapşırğı vermişdi. Nəticədə Türkiyə ordusunun 2 zabiti şəhid olmuşdu. O, uzun müddət idi ki, gizlənirdi.
M.Kacar 1997-ci ildən etibarən PKK terror təşkilatında fəaliyyət göstərir.
