Dəhşətli vulkan püskürməsi: 11 nəfər öldü, axtarışlar dayandırıldı
İndoneziyada 2891 metr yüksəklikdəki Merapi vulkanının təxminən 3 kilometr yüksəkliyə qədər püskürdüyü və isti kül buludlarının şimala doğru irəlilədiyi bildirilib.
Demedia.az xarici mənbəyə istinadən xəbər verir ki, İndoneziyanın Sumatra adasının qərbində Merapi vulkanının püskürməsi nəticəsində başladılan axtarış-xilasetmə işlərində indiyədək 11 alpinistin meyiti tapılıb.
Xilasetmə rəsmisi Codi Haryavan, itkin düşən digər 12 alpinistin axtarışlarının təhlükəsizliklə əlaqədar olaraq müvəqqəti olaraq dayandırıldığını bildirib. Eyni zamanda Haryavan əlavə edib ki, bazar ertəsi səhər tezdən ərazidən 49 alpinist təxliyə edilib və onların bir çoxu yanıqlara görə müalicə alır.
