Ermənistanda bu Netflix filmləri çəkiləcək
Ermənistanda bir neçə Netflix filmi və serialı çəkiləcək.
Demedia.az verir ki, Mülki Müqavilə Partiyasından olan deputat Sisak Qabrielyan sövdələşmə üçün kino haqqında qanuna edilən son düzəlişlərdən danışıb.
O bildirib ki, alman aktyor, prodüser Til Şvaygerin agenti ilə əməkdaşlıq memorandumu imzalanıb.
"Gözlənildiyi kimi, kino haqqında qanuna edilən son düzəlişlər Ermənistanı kino çəkilişləri üçün cəlbedici edib. Bu gün Təhsil, Elm, Mədəniyyət və İdman Nazirliyində alman aktyoru, kino prodüseri Til Şvaygerin agenti ilə əməkdaşlıq memorandumu imzaladıq. Ermənistanda "Underdog", "Dead by Dawn, Collapse" (8 hissəli Netflix filmi) adlı ümumilikdə üç film çəkiləcək. Çəkilişlərə ilin əvvəlində başlamaq planlaşdırılır. Bu, yeni qanunun ilk tətbiqi olacaq.
Xatırladaq ki, reqlamentə əməl olunduğu təqdirdə, dövlət yatırılan pulun on faizindən qırx faizinə qədərini kinorejissorlara qaytaracaq. Yaxın günlərdə Təhsil, Elm, Mədəniyyət və İdman Nazirliyi müvafiq məhsul və xidmətlərin siyahısını, habelə istifadə şərtlərini və qaydalarını dərc edəcək. Mütəxəssislərin fikrincə, ölkəmiz yerləşməsi baxımından kino çəkilişləri üçün çox əlverişlidir. İl boyu, demək olar ki, istənilən vaxt eyni vaxtda başı qarlı dağlara,gözəl müasir binalara, küçələrə, tərk edilmiş kənd və fabriklərə sahib ola bilərsiniz", - deyə Qabrielyan sosial şəbəkədə bildirib.
