Şimali Koreya XİN başçısı Rusiyada səfərdədir
Şimali Koreyanın xarici işlər naziri Çoy Son Xinin başçılıq etdiyi hökumət təmsilçilərindən ibarət nümayəndə heyəti Rusiyanın paytaxtı Moskvada səfərdədir.
Demedia.az TASS-a istinadən xəbər verir ki, bu barədə Şimali Koreya Mərkəzi Teleqraf Agentliyi məlumat yayıb.
Onların Rusiya rəsmiləri ilə bir sıra görüşləri nəzərdə tutulub. Tərəflərin Rusiya - Şimali Koreya əlaqələrinə dair məsələləri müzakirə edəcəkləri gözlənilir.
Qeyd edək ki, 2023-cü ilin sentyabrında Şimali Koreya lideri Kim Çen In Rusiyaya səfər etmişdi. O, Rusiya Prezident Vladimir Putinlə Şərq kosmodromunda görüşüb danışıqlar aparmışdı.
