Bayden Cənubi Karolina ştatında praymerizdə inamlı qələbə qazanıb
2024-cü ilin noyabrında keçiriləcək prezident seçkilərində Demokratik partiyadan namizəd olmaq istəyən ABŞ-nin hazırki lideri Cozef Bayden Cənubi Karolina ştatında keçirilən praymerizdə inamlı qələbə qazanıb.
Demedia.az-ın məlumatına görə, bu barədə "Associated Press" (AP) məlumat yayıb.
Səslərin ilkin hesablanmasının nəticələrinə görə, seçicilərin 97%-i Baydenə səs verib.
Onun rəqibləri - konqresmen Din Fillips və yazıçı Mariann Villiamson 2%-lik həddi aşa bilməyiblər.
Xatırladaq ki, Bayden yanvarda Nyu-Hempşirdə keçirilən praymerizdə də qalib gəlmişdi.
