Macarıstanın baş naziri ABŞ-da Baydenin yerinə Trampla görüşəcək



 09:44 04.03.2024     226

ABŞ prezidenti Cozef Baydenlə görüş hələ Macarıstanın baş naziri Viktor Orbanın ABŞ-a səfər proqramına daxil edilməyib.

Demedia.az xəbər verir ki, bu barədə “Index” məlumat yayıb.

Macarıstan hökumətinin başçısının sözçüsü Bertalan Havasi bildirib ki, Orbanın səfərinin əsas məqsədi ABŞ-ın keçmiş prezidenti Donald Trampla görüş olacaq.

Orban martın 8-də Trampı Floridadakı Mar-a-Laqo malikanəsində ziyarət etməyi planlaşdırır. Martın 7-də o, Vaşinqtonda olacaq və burada “Heritage Foundation” araşdırma mərkəzində çıxış edəcək.

Macarıstanın baş naziri 2021-ci ilin yanvarında vəzifəyə gəldiyindən bəri Baydenlə görüşməyib.