Ukraynanın Moskvadakı terror aktı ilə əlaqəsi yoxdur - Podolyak



 23:34 23.03.2024     566

Ukrayna “Crocus City Hall”da baş vermiş hadisəni terror aktı kimi qiymətləndirib.

Demedia.az xəbər verir ki, bu barədə Ukrayna Prezident Ofisinin müşaviri Mixaylo Podolyak “X”də yazıb.

O, həmçinin bildirib ki, bu məsələdə Rusiyanın Ukraynanı ittiham etməsi tamamilə əsassızdır: “Biz Rusiya rəsmilərinin “Ukrayna izi” versiyasını gözləyirdik. Bu, Rusiya təhlükəsizlik xidmətlərinin primitiv və proqnozlaşdırıla bilən xüsusiyyətidir”.

M.Podolyak qeyd edib ki, bəzi məqamlar qaranlıq olaraq qalır: “Məsələn, bir qrup silahlı insan heç bir yoxlama olmadan insanların çox olduğu yerə gedir. Saat yarımdan çox müddət ərzində insanları atəşə tutur. Hüquq-mühafizə orqanlarının heç bir müdaxiləsi olmur. Sonra onlar sakitcə binanı tərk edir və avtomobillərlə Ukrayna sərhədinə doğru gedirlər. Axtarışda olan şəxslər açıq-aşkar, nümayişkaranə şəkildə üçün aktiv döyüşlərin getdiyi və hər metrin Rusiya təhlükəsizlik qüvvələri ilə dolu olduğu sərhəd keçidlərinə doğru istiqamət götürürlər. Üstəlik, ilkin məlumatlar və şahid ifadələrində radikal islamçılar günahlandırılır”.

O yazıb ki, Ukraynanı bu terror aktı ilə əlaqələndirmək tamamilə qəbuledilməzdir: “Ukraynanın bu hadisə ilə zərrə qədər də əlaqəsi yoxdur. Ukrayna Rusiya ilə tammiqyaslı müharibə aparır. Biz məsələni döyüş meydanında həll edəcəyik. Rusiya xüsusi xidmət orqanlarının Ukrayna ilə bağlı versiyaları tamamilə əsassız və absurddur”.