İranın bütün təhlükəsizlik qüvvələrinə ƏMR VERİLDİ
İran Baş Qərargahının rəhbəri Məhəmməd Baqiri ordu, SEPAH və İran polisinə ölkə prezidenti İbrahim Rəisinin helikopterinin axtarışına bütün səylərini sərf etməyi əmr edib.
Demedia.az xəbər verir ki, İRİB məlumat yayıb.
Onun sözlərinə görə, bu hüquq-mühafizə orqanlarının bütün imkan və vasitələri Rəisinin axtarışında istifadə edilməlidir.
Hazırda 40 çevik reaksiya qrupu İran prezidenti Rəisinin helikopterini axtarır. Vəziyyət çətin hava şəraiti ilə mürəkkəbləşib.
Bundan əvvəl Raisiyə məxsus helikopterin mərkəzlə əlaqə saxlaması ilə bağlı xəbərlər təkzib edilib.
