Rusiya hökumətində ŞOK: Kütləvi istefalar var / Putinə qarşı etirazlar başlayıb
“Qubernatorların istefası hakimiyyətdaxili çaxnaşma və böhranın təzahüründür. Artıq Rusiyada Kremlin yeritdiyi hakimiyyətdən narazılıqlar baş qaldırır. Beş qubernatorun istefası onu göstərir ki, ölkədə hakimiyyətin yeritdiyi siyasətdən narazılarn sayı artmaqdadır”.
Demddia.az xəbər verir ki, bu fikirləri Bizim.Media-ya açıqlamasında politoloq Qabil Hüseynli bildirib.
Belə ki, mayın 10-da Rusiyada 5 vilayət qubernatorunun gözlənilməz istefasını şərh edən politoloqun sözlərinə görə, hakimiyyəti təmsil olunan şəxslərin istefaları davam edəcək:
“Ümumiyyətlə, hakimiyyət böhranı öz dalğalarını genişləndirəcək. Dalğa nazirlər kabinetinə, digər yüksək ranqlı məmurlara da çatacaq. Bu isə Putin ətrafındakı hakimiyyət halqasının daralması deməkdir. Bu bütövlükdə Rusiyada mövcud hakimiyyətin yeritdiyi siyasətdən narazılığın açıq ifadəsidir”.
Qabil Hüseynli proseslərin son nəticəsi olaraq Rusiyada hakimiyyət çevrilişinin baş verməsi ehtimallarını da dəyərləndirib:
“Hakimiyyətdən istefaya gedənlər boş dayanmayacaqlar. Əgər bunlar birinci addımları atanlardırsa, onların ardınca gedənlər də olacaq. Hakimiyyətin əl-ayağını yığıb-yığışdırmaq artıq mümkünsüz görünür. Zənnimcə, Rusiyada alternativ hakimiyyət strukturlarının formalaşdırılması prosesi leqal şəkildə olmasa da, illeqal şəkildə həyata keçməyə başlaya bilər”.
Qeyd edək ki, mayın 10-da Rusiyanın Ryazan, Tomsk, Saratov, Kirov quberiniyaları və Mari-el respublikasının qubernatorlarının istefa verdikləri açıqlanıb.
