Rusiya ordusu 20-ci dəfədir eyni yerdə məğlub olur: "Çernobayevka macərası"
“Ukrayna Silahlı Qüvvələri Çernobaevkada düşməni növbəti dəfə məğlub edib. Artıq russlar 20-ci dəfədir bu bölgədə məğlub olur.
Demedia.az Ukrayna mətbuatına istinadla xəbər verir ki, bu barədə Prezident Aparatı rəhbərinin müşaviri Aleksey Arestoviç açıqlama verib.
Aleksey Arestoviç
Eyni zamanda Yujnobujskom istiqamətində Rusiya ordusunun vəziyətindən danışılıb. Bildirilib ki, Rus işğalçıları orada çox fəal deyillər. Buna baxmayaraq, həmin ərazilərdə Ukrayna mövqeləri mütəmadi olaraq atəşə tutulur.
Xerson vilayətinin kəndlərində Rusiya ordusunun ardıcıl məğlubiyyətləri xalq arasında artıq əfsanəyə çevrilib. Ukraynalılar belə zərbələri, məğlubiyyətləri zarafatla “serial” adlandırırlar. Ancaq bütün bunlara baxmayaraq, bu Rusiya tərəfinə dərs olmur. Rusiya ordusu artıq 20-ci dəfədir ki, bu kənddə möhkəmlənmək istəyir və hər dəfə ağır itkilər verir.
Rusiya qoşunları Çernobayevkadan başqa, Ukrayna Silahlı Qüvvələri tərəfindən bir neçə ərazidə məğlubiyyətə uğradılıb. Ukraynlar öz aralarında Luqansk vilayətinin Beloqorovka kəndini "İkinci Çernobayevka" adlandırır. Bu ərazidə işğalçılar Severski Donets çayı üzərindən keçid tikməyə çalışırlar.
Xatırladaq ki, bu cəhd uğurlu deyil. Həmin yerdə Rusiya xeyli canlı qüvvə və texnika itkisi verir.
