Rus ordusu çətin vəziyyətdə: Putin Əsədin “çəllək bombaları”ndan istifadə etməyə hazırlaşır
Suriya müharibəsində istifadə edilən və ciddi itkilərə səbəb olan çəllək bombalarının Ukrayna müharibəsində də işə düşə biləcəyi bildirilir. Avropalı rəsmilər Suriyadan 50 mütəxəssisin Rusiyaya göndərildiyini və bir neçə həftədir hazırlıq görüldüyünü iddia edirlər.
Demedia.az xəbər verir ki, ABŞ-ın kəşfiyyat mənbələri Moskvanın kimyəvi silahdan istifadə etməyə hazırlaşmasından narahatdırlar. Avropalı rəsmilərin açıqlamalarına görə, Suriyadakı müharibədə ölkənin böyük hissəsini viran qoyan məşhur "çəllək bombaları" ilə hazırlaya bilən hərbçilərə Ukrayna müharibəsində analoji hazırlıq üçün tapşırıq verilib.
Kəşfiyyat rəsmiləri deyirlər ki, xam partlayıcının hazırlanmasında böyük təcrübəyə malik 50-dən çox ekspert bir neçə həftədir Rusiya hakimiyyət orqanları ilə işləyir.
Bildirilir ki, çəllək bombaları, adətən, müxtəlif alışan və partlayıcı materialların və qəlpələrin bir lülənin içərisinə yerləşdirilməsi ilə hazırlanır. Xüsusilə istifadə edilə bilən partlayıcı maddələr çoxluğu, ucuzluğu və istehsalının asanlığı ilə seçilir. Bu tip bomba ilə hədəfi vurmaq çətin olsa da, onun yüksək dağıdıcı gücü ciddi itkilərə səbəb olur.
