ABŞ-da supermarketin dayanacağında atışma - Ölənlər var
ABŞ-da Viskonsin ştatının Miluoki şəhərində supermarketin dayanacağında baş verən atışma nəticəsində azı iki nəfər ölüb.
Demedia.az xəbər verir ki, bu barədə hüquq-mühafizə orqanlarına istinadən Fox News telekanalı məlumat yayıb.
İnsident yerli vaxtla saat 10:25-də (Bakı vaxtı ilə 19:25) baş verib. Qeyd olunub ki, supermarketin dayanacağındakı atışmadan əvvəl mağazanın daxilində silah səsləri eşidilib.
Atışma nəticəsində şəxsiyyəti məlum olmayan bir kişi, həmçinin supermarketin mühafizəçilərindən biri həlak olub. Hazırda hadisənin təfərrüatları barədə məlumat verilmir. Polis araşdırma aparır.
