Sui-qəsd nəticəsində öldürülən Baş nazir dəfn olundu
Yaponiyanın ən uzunmüddətli Baş naziri olan Şinzo Abe bu gün son mənzilinə yola salınıb.
Demedia.az xəbər verir ki, ötən həftə ölkənin qərbindəki Narada çıxışı zamanı 41 yaşlı Tetsuya Yamaqami tərəfindən əl istehsalı silahla vurulan və aparıldığı xəstəxanada dünyasını dəyişən Abenin bu gün dəfn mərasimi keçirilib.
Sui-qəsd nəticəsində ölən Abe qara cənazə maşını ilə aparılıb. Minlərlə insan 67 yaşında dünyasını dəyişən Abeni yad etmək üçün yolun kənarından keçən maşını izləyib.
