Sanksiya olmasaydı, Rusiya Ukraynanı yeyərdi - Borrell

 14:28 17.07.2022     376

Avropa Birliyinin Rusiyaya qarşı tətbiq etdiyi sanksiyalar işə yarayır, lakin istənilən effekti əldə etmək üçün vaxt lazımdır.

Demedia.az xəbər verir ki, bunu AB-nin xarici işlər və təhlükəsizlik siyasəti üzrə ali nümayəndəsi Jozep Borrell deyib.

Borrellin sözlərinə görə, AB sanksiyaları Rusiyada 1200-ə yaxın fiziki şəxs və 100-ə yaxın təşkilatı, həmçinin Rusiya iqtisadiyyatının əhəmiyyətli sayda sektorunu hədəf alıb:

“Putin siyasi volüntarizmin sehrli gücünə inanır. Amma bu, uzun çəkə bilməz. Hətta sanksiyalar qısamüddətli perspektivdə Rusiyanın hərəkətlərinin trayektoriyasını dəyişdirməsə belə, bu o demək deyil ki, onlar işə yaramır. Sanksiyalarsız Rusiya öz piroqunu alar və onu yeyərdi. Məhz sanksiya nəticəsində o, yağ və silah arasında seçim etmək məcburiyyətində qalıb”, - Borrell bildirib.