Almaniyanın məşhur qəhvə istehsalçısı Rusiyanı tərk edir
Almaniyanın “Tchibo GmbH” şirkəti (dünyanın dördüncü ən böyük qəhvə istehsalçısı) Rusiyada istehsalın idarə edilməsini yerli top-menecerlərə vermək qərarına gəlib.
Demedia.az xəbər verir ki, bu barədə “Kommersant” məlumat yayıb.
Məlumata görə, bu ilin iyul ayından “Tchibo GmbH” “Chibo CIS” MMC-yə sahib olmaqdan çıxıb. İndi şirkət "Chibo CIS" şirkətinin baş direktoru Mixail Kovalevskinin şirkətinə məxsusdur.
Bildirilib ki, “Chibo CİS” 2022-ci ilin sonuna qədər “Davidoff” və “Tchibo” brendlərindən istifadə edə bilər. Bundan sonra şirkət yeni brend hazırlamalı olacaq. Mümkün variantlar arasında “Gold” markası da var.
