“Paşinyan yalan danışır, amma o demişdi ki, Azərbaycan...” - ŞOK İDDİA

 15:02 18.08.2022     473

“İki ay əvvəl kosmosa göndərildiyi iddia edilən peyk haqqında dəfələrlə yazmışıq. Baş nazir Paşinyan 44 günlük müharibədə məğlubiyyəti peykin olmaması ilə necə əlaqələndirmişdi. O zaman yüksək texnologiyalar sənayesi naziri olan Akop Arşakyan da peykin olmasının vacibliyindən danışmışdı. Amma yalanlar artıq üzə çıxmağa başlayıb”.

Demedia.az Teleqraf.com-a istinadən xəbər verir ki, bu barədə Ermənistanda nəşr olunan “Joxovurd” qəzeti yazıb.

Nəşr Ermənistan hökumətinin kosmosa peyk göndərməsi barədə açıqlamasını şübhə altına alıb:

“Arşakyan bunu 44 günlük müharibədən düz bir ay əvvəl - avqustun 26-da açıqlamışdı. Amma indi parlamentin sədr müavini olan Akop Arşakyan “kosmosa göndərilmiş peyk səmərəli fəaliyyəti”ndən danışmır. Amma hökumət üzvləri və Paşinyan kosmosa peyk göndərildiyini təxminən 2.5 ay əvvəl açıqlayıb. Amma 2.5 aydır “kosmosda uçan peyk” nə bir foto, nə bir koordinat, nə də başqa bir məlumat göndərib. Sual yaranır ki, həqiqətən Ermənistanın kosmosda peyki var?

Paşinyan isə Azərbaycanla müqayisə apararaq, Ermənistanın da kosmosda öz peykinin olmasının vacibliyindən danışmışdı: “2017-ci ildə Azərbaycan Yerin orbitinə üç peyk göndərib, bunlardan biri kəşfiyyat peykidir. Bəli, Azərbaycan kəşfiyyat peyki alırdı, Ermənistanın keçmiş hakimiyyəti isə Yunanıstan və Avropada torpaq sahələri”.

Bəs indi nə baş verir? Paşinyan və komanda yoldaşları növbəti dəfə kosmosda peykin olması ilə bağlı yalan danışırlar”.