MAQATE-nin baş direktoru Moskva və Kiyevə səfər edə bilər
Atom Enerjisi üzrə Beynəlxalq Agentliyinin (AEBA) baş direktoru Rafael Qrossi gələn həftə Moskva və Kiyevə səfər edə bilər.
Demedia.az xəbər verir ki, bu barədə təşkilatın bəyanatına istinadən “Reuters” agentliyi məlumat yayıb.
“Baş direktor Qrossi Zaporojye Atom Elektrik Stansiyası (AES) ətrafında mümkün qədər tez fiziki və texniki təhlükəsizlik zonasının razılaşdırılmasına və yaradılmasına yönəlmiş məsləhətləşmələri davam etdirir. Onun gələn həftə Kiyev və Moskvaya səfəri gözlənilir” - deyə, məlumatda qeyd olunub.
