Nüvə silahına malik beş dövlətin lideri... - Lavrov açıqladı

 14:43 08.10.2022     367

“Rusiya bu il yanvarın 3-də nüvə silahına malik beş dövlətin liderlərinin nüvə müharibəsinin yolverilməzliyini təsdiq edən bəyanatına sadiq qalır”.

Demedia.az xəbər verir ki, bunu Rusiyanın xarici işlər naziri Sergey Lavrov “Arqumentı i faktı” qəzetinə müsahibəsində bildirib.

Onun sözlərinə görə, ən yüksək səviyyədə təsdiq edilmiş bu sənədə uyğun olaraq, nüvə silahına malik ölkələr arasında hər hansı silahlı münaqişənin qarşısını almaq lazımdır: “Rusiyanın müəyyən nəticələrlə üzləşəcəyi barədə səs-küylü bəyanatlara gəlincə, bu cür təhdid dili, təbii ki, qəbuledilməzdir. Onlarla bu mövzunu müzakirə etmək fikrində deyilik, çünki bunun faydasızlığı açıq-aydındır”.

Xatırladaq ki, bu il yanvarın 3-də Çin, Rusiya, Böyük Britaniya, ABŞ və Fransa liderləri nüvə müharibəsinin və silahlanma yarışının qarşısının alınması haqqında birgə bəyanat qəbul ediblər.