Ukrayna ordusu daha bir yaşayış məntəqəsini AZAD ETDİ

 15:34 09.10.2022     458

Ukrayna Silahlı Qüvvələrinin hərbçiləri Xerson vilayətinin Berislav rayonunun Şevçenkovka kəndini Rusiya hərbçilərindən azad ediblər.

Demedia.az xəbər verir ki, bu barədə Xerson hərbi vilayət administrasiyasının rəhbəri Yaroslav Yanuşeviç bildirib.

"Ukrayna Silahlı Qüvvələri sayəsində Ukrayna bayrağı yenidən bu yaşayış məntəqəsi üzərində dalğalanır. Artıq terror törədən və öldürən Rusiya işğalçıları yoxdur. Bu gözəl insanlar üçün ən pis günlər arxada qalıb", - Yanuşeviç teleqram kanalında yazıb.

O qeyd edib ki, rəhbərlik artıq yaşayış məntəqəsində dinc həyatın bərpası istiqamətində işlərə başlayıb.

"Beynəlxalq tərəfdaşlarımızdan humanitar yardım gətiririk, insanlar pensiya və digər nağd ödənişlər alacaqlar. Biz işğaldan azad edilən qəsəbələri həmçinin qışa hazırlayırıq. Əhalinin odun və soba ilə təmin olunması üzərində işləyirik", - hərbi vilayət administrasiyasının rəhbəri vurğulayıb.