Estoniyanın dəniz limanlarına Rusiya gəmilərinin girişi qadağan edilib
Estoniyanın dəniz limanlarına Rusiyada qeydiyyatdan keçən gəmilərin girişi qadağan edilib.
Demedia.az xəbər verir ki, məlumatı Estoniyanın “rus.err.ee” saytı yayıb.
Bildirilib ki, Rusiyanın Ukraynada apardığı müharibənin 8-ci ayında Estoniyanın nəqliyyat departamenti belə bir qərar qəbul edib.
Departamentin məlumatında vurğulanıb ki, bu, Avropa İttifaqı Şurasının oktyabrın 7-də Rusiyanın Ukrayna ərazisinə təcavüz etməsi ilə əlaqədar qəbul etdiyi qərara tam uyğun gəlir.
