Ukraynada müharibə DƏHŞƏTİ: 437 uşaq ölüb...
Rusiyanın Ukraynada apardığı hərbi əməliyyatlar nəticəsində yetkinlik yaşına çatmayan 437 uşaq ölüb, 837-si isə yaralanıb.
Demedia.az xəbər verir ki, bu barədə Ukrayna Baş Prokurorluğunun noyabrın 19-da yaydığı məlumatda bildirilib.
İnformasiyaya əsasən, noyabrın 18-də Rusiya hərbçiləri Ukraynanın Zaporojye vilayətinin Kamış-Zarya kəndində aralarında 5 və 14 yaşlı uşaqlar da olmaqla bir ailəni güllələyərək öldürüblər. Prokurorluq Rusiya hərbçilərinin son günlərdə törətdikləri belə hadisələrlə bağlı başqa nümunələr də göstərib.
Vurğulanıb ki, uşaqlar ən çox Donetsk vilayəti (423 uşaq), Xarkov (266), Kiyev (117), Nikolayevsk (77), Zaporojye (75), Çerniqovsk (68), Xerson (64), Luqansk (64) və Dnepropetrovskda (32) xəsarət alıblar.
