Paşinyanın avtomobilinə silahlı hücum: 20 dəqiqəyə yaxın atışma səsləri eşidilib
Ermənistanın Baş naziri Nikol Paşinyana qarşı sui-qəsd olması haqqında məlumat yayılıb.
Nexeber.az Busaat.az-a istinadən xəbər verir ki, bu haqda erməni sosial media fəalı Anna Bağdasaryan yazıb.
A.Bağdasaryan bu gün səhər saat 10:45-də Nikol Paşinyanın hərəkətdə olan kortecinə silahlı hücüm olmasını deyib:
"Baş nazir Nikol Paşinyanın avtomobil kortecinə 3 nəfər əli silahlı şəxs hücum edib. Yaxınlıqda 20 dəqiqəyə yaxın atışma səsləri eşidilib. Baş nazir xəsarət alması haqqında xəbərlər gəzir. Yəqin hökumət rəsmiləri açıqlama verər".
Qeyd edək ki, bu gün İrəvanda Nikol Paşinyan hökumətinə qarşı ümumxalq itaətsizlik nümayiş keçiriləcək. Bu xəbərlərin yayılması isə İrəvanda vəziyyətin nəzaərtdən çıxması anlamına gəlir.
